Алгачкы жолу Кыргызстанда хоккей боюнча дүйнө чемпионаты өтөт. Бул тууралуу маданият, маалымат, спорт жана жаштар саясаты министри Азамат Жаманкуловдун хоккей боюнча эл аралык федерациясынын вице-президенти Айваз Оморканов жана хоккей федерациясынын президенти Анвар Оморканов менен жолугушуу учурунда белгилүү болду.
Маалыматка ылайык, жолугушууда 2022-жылы март айында Кыргызстандын тарыхында алгачкы жолу дүйнө чемпионаты өтө тургандыгы маалым болду.
Ошондой эле Оморканов дүйнөлүк чемпионат учурунда хоккей боюнча эл аралык федерациясынын кеңешинин үчүнчү отуруму Кыргызстанда өтө тургандыгын кошумчалап, ага белгилүү француз хоккеисти Люк Тардиф келерин билдирген.
Министр Жаманкулов өтө турган чемпионаттын масштабдуулугун жана Кыргызстандын мүмкүнчүлүгүн эске алуу менен, аны жогорку деңгээлде уюштуруп өткөрүү боюнча иштерди колго ала тургандыгын белгиледи.
