Сокулук районунда адам өлтүрүүгө шектүү жаран кармалды. Бул тууралуу Чүй ОИИБнын басма сөз кызматы билдирди.
Маалыматка караганда, 19-октябрь күнү Сокулук РИИБнө, Сокулук айылындагы үйүнөн 1952-жылы туулган Г.В. денесинде оор жаракаттар менен райондук оорукананын жандандыруу бөлүмүнө түшкөндүгү боюнча маалымат түшкөн. Келтирилген оор жаракаттардын кесепетинен Г.В. жандандыруу бөлүмүндө каза болгон.
Аталган окуя боюнча КЖКнин 122-статьясында ( адам өлтүрүү ) көрсөтүлгөн курам менен кылмыш иши козголуп, шектүү аныкталды.
«Ал өлгөн адамдын небереси 1999-жылы туулган Г.М. болуп такталып, убактылуу кармоо изоляторуна киргизилди. Кылмыш ичкиликтин айынан , чоң апасы небересин «ичкилик ичесин» деп урушканынан болгондугу аныкталды. Учурда тергөө иштери уланууда»,- деп берилет маалыматта.
