Араван айылынын Ош-3000 көчөсүндө жайгашкан жалпы аянты 0,33 га болгон борбордук «Араван автовокзалы» мамлекеттин балансына кайтарылды. Бул тууралуу УКМКдан билдиришти.
Тактап айтканда, 2000-жылдары автобекеттин аймагы 29 жеке ишкерге мыйзамсыз берилгени аныкталган, алар КР «Автомобиль транспорту жөнүндө» мыйзамын бузуу менен жер-жерлерде соода жайларын уюштуруп, стратегиялык объектини толук реконструкциялашкан.
Текшерүү иш-чараларынын жүрүшүндө менчик ээлери өз ыктыяры менен объектини Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин балансына өткөрүп беришти.
