Асел Кадырбекова кырсыктан кийинки алгачкы клибин тартуулоо алдында турат. Бул тууралуу ырчы айым өзүнүн Instagram баракчасына “Кечикпечи” клибинин анонсун жарыялады.
Премьерасы бүгүн, 14-июлда саат 17:00дө Асел Кадырбекованын You Tube каналына чыгат.
Клиптин мазмуну – жай турмушта пенделикке моюн сунбай бири-бирине кол сунуу, жакшы сөз айтуудан кечикпөө, сабырдуу болуу жана кыйынчылыктарды жеңип, эч качан артка чегинбөө керектигин баяндайт. “Кечикпечи” аттуу ыр 3:13 мүнөттү түзөт.
Клиптин кыскача анонсунда, Асел Кадырбекованын үйлөнүү-үлпөт тоюна чейинки жашоосу, тоюу жана кырсыкка учураган видеосу, аны менен катар Түркия мамлекетине барып дарыланган учуру камтылган.
