Россиянын Алабино аскер машыгуу полигонунда өткөн “Танк биатлону — 2021” таймашындагы кыргыз аскерлеринин жеңишин көзүнө жаш алып кубаттаган колдоочунун өздүгү аныкталды.
Атуу боюнча инспектор Саламат Серкебаев, КТРКнын Москвадагы кабарчысы Мирбек Молдакуновго берген маегинде, кубанычтан ыйлап жибергенине уялып тургандыгын айткан.
Кыргызстандын командасы биатлондун экинчи дивизионунда күч сынашкан.
Таймаштын финалында кыргыз аскерлери Тажикстан, Мьянма жана Түштүк Осетиянын командалары менен жарышып, биринчи орунду ээледи. Экинчи орунду Тажикстан, үчүнчү орунду Мьянма алды.
