Автоматтык эсептөөчү урналардын маалыматына ылайык, Ош шаардык кеңешине 4 партия өттү. Бул тууралуу БШКнын төрайымы Нуржан Шайлдабекова маалымат жыйынында билдирди.
Белгилүү болгондой, шаардагы автоматтык эсептөөчү урналардын 100 пайызынан маалыматтар келди.
«Ынтымак» саясий партиясы — 5 166 добу же 7.18 пайыз,
«Ата-Журт Кыргызстан» саясий партиясы — 34 889 добуш же 48.46 пайыз,
«Ыйман Нуру» партиясы — 5 757 добуш же 8 пайыз,
«Улуттар биримдиги» партиясы — 12 726 добуш же 17.68 пайыз.
Жергиликтүү кеңештен мандатка ээ болуу үчүн саясий партиялар 7 пайыздык босогодон өтүшү керек.
