Монголиядагы кыз-келиндер күрөшү боюнча Азия чемпионатында Айсулуу Тыныбекова күмүш медаль утту.
Тыныбекова чейрек финалда монголиялык Болдсайханы Хонгорзулга каршы чыгып, атаандашын 7:3 эсебинде жеңип алган. Кийинки кармашы өзбекстандык Набира Есенбаева менен болуп, далысын жерге басуу менен финалга чыккан.
Финалда япониялык Нонока Одзакиге каршы килем үстүнө чыгып, кармаштын экинчи бөлүгүндө Тыныбекова бутун алдырып, тогуз упай япониялык спортчуга берилди. Атаандашы ал ыкманы жасап жатканда Айсулуу бутун кокустатып, күрөштү уланта алган жок.
