Президент өз милдеттерин аткарууга эми гана толук кандуу киришти. Бул тууралуу бүгүн мамлекеттик өнүктүрүү планын ишке ашыруу боюнча иш-чаралардын планын талкуулоо учурунда министрлер кабинетинин төрагасынын орун басары Эдил Байсалов билдирди.
Анын айтымында, Садыр Жапаровдун президенттигинин биринчи жылы конституциялык реформаны ишке ашырууга жумшалган.
«Президент чындыгында өз милдетине эми гана толук киришүүдө. Биринчи жыл конституциялык реформаны ишке ашырууга жумшалып, президент элдин колдоосуна ээ болду. Эл бийликтин курсун колдоду», — деди Байсалов.