Байтик айылынан «Ала-Арча» мамлекеттик жаратылыш паркына чейинки жалпы узундугу 13 чакырымды түзгөн веложолдун курулуш иштери жүрүүдө. Бул тууралуу Транспорт жана коммуникациялар министрлиги билдирди.
Маалым болгондой, бүгүнкү күндө долбоорду ишке ашыруунун алкагында төмөнкү иштер аткарылды:
Веложолдун 4 200 метр аралыгына асфальт төшөлүп, пайдаланууга берилген.
Учурда объектте курулуш иштери бекитилген графикке ылайык уланып жатат.
Долбоор аймактын туристтик потенциалын жогорулатууга жана жарандардын активдүү эс алуусу үчүн шарттарды түзүүгө багытталган.
