Балыкчы шаарында турак үйдөн өрт чыгып, бир адам каза болду. Бул тууралуу ӨКМден билдиришти.
Билдирүүгө ылайык, Озерный көчөсүндөгү турак үйдөн өрт чыккандыгы тууралуу маалымат түшкөн. Өрттүн кесепетинен 1972-жылы туулган М.Н.В. атуу эркек киши каза болгон.
Учурда өрттүн толук материалдык чыгымдары жана өрттүн келип чыгуу себеби такталууда.
Белгилей кетсек, дем алышта өлкө аймагында жалпы 9 өрт кырсыгы катталып, аны өчүрүүгө 10 өрт өчүрүү бөлүмү тартылган.