Президенттин Баткен облусундагы өкүлү Айбек Шаменов Көк-Таш айылынын 100 жаштагы тургуну Каратаева Кайрыл ападан кабар алып, 8-март аялдардын эл аралык майрамы менен куттуктады.
Кайрыл апа 13 баланын апасы жана 100дөн ашуун небере-чеберенин чоң энеси.
Апанын 40 жаштагы уулу Мамасалы Каратаев 2021-жылдын апрель айында болгон кыргыз-тажик чек арасындагы жаңжалда, жарадар болгон аскер кызматкерлерине жардам берип жаткан учурунда каза болгон.
Облус башчысы баатыр уулду тарбиялаган апага ыраазычылык билдирип, бекем ден соолук жана узак өмүр каалап, белектерин тапшырды.
Белгилей кетсек, бүгүн жер жерлерде улгайган көп балалуу апаларды жергиликтүү жетекчилер куттуктоодо.
