Бүгүн 7-июнда Баткен шаарынын мэри болуп Имамназар Бурканов шайланды. Ал мэрлик кызматка жалгыз талапкерлигин койгон. 31 депутаттын баары анын талапкерлигин колдоп, бир да каршы добушсуз жаңы шаар башчысы тандалды.
Имамназар Бурканов 1965-жылы туулган, учурда жумушсуз. Шаардык кеңешти шайлоого «Ала-Тоо — кыргыз жери» партиясы менен 13-катарда барган. Эскерте кетсек, Баткен шаардык кеңешине «Ала-Тоо — кыргыз жери», «Ынтымак», «Эмгек» жана «Жаңы Доор» партиялары шайлоодон өтүп келген.
Osoo.kg сайтында «Газпром-транзит», «ТабИмпЭкс Трэйд» жана «Сыйкыр Топурак» ЖЧКларында жетекчи экени жазылган. Имамназар Бурканов — Премьер-министрдин мурдагы кеңешчиси Арзыбек Буркановдун бир тууганы.
