«Базар-Коргон суу канал» муниципалдык ишканасынын жетекчилиги абоненттерден алган акча каражаттарды ич ара ыйгаргандыгы үчүн кармалды. Бул тууралуу УКМКдан билдиришти.
Аталган иш-кананын директору, башкы инженер жана техникалык адис шаардын авариялык делген суу түтүктөрүн оңдоо жана алмаштыруу керек деген шылтоо менен инспекторлордон мыйзамсыз акча чогулткан. Кылмыштуу аракеттерин жашыруу максатында, акча каражаттарын жалган, фиктивдүү жол менен эсептен чыгарып турушкан.
21-апрелде аталган адамдар кармалып, тергөө абагына киргизилген.
Мамлекетке келтирилген зыяндын көлөмүн аныктоо үчүн ишкананын каржы-чарбалык ишмердүүлүгүнө аудитордук текшерүү иштери дайындалды.
