Кыргызстандык спортчу Бекболот Токтогонов самбо боюнча 98 кг жогоркулар арасында дүйнө чемпионатында алтын медаль утту. Бул тууралуу Дене тарбия жана спорт департаментинен билдиришти.
Маалыматка караганда, мелдеш Бишкектин «Газпром» ден соолукту чыңдоо борборунда 11-13-ноябрь күндөрү өтүп, Кыргызстандын атынан дүйнө чемпионатына 21 спортчу аттанган.
Мындан сырткары, Дайырбек Карыяев 79 кг салмакта күжүрмөн самбо боюнча алтын, Феликс Уланбеков 71 кг салмакта күмүш, 88 кг салмак категорияда Жамалбек Асылбек уулу жана күжүрмөн самбо боюнча 64 кг салмак даражада Саяк Бараканов коло байгеге ээ болгон.
Белгилей кетсек, чемпионаттын байге фонду 231 миң долларды түздү.
