Берлин шаарында параолимпиадалык спортчулар арасындагы сууга сүзүү боюнча “World Para Swimming Series Berlin 2022” аттуу эл аралык мелдеш өттү. Бул тууралуу ТИМдин басма сөз кызматы билдирди.
Маалыматка ылайык, ушул жылдын 31-мартынан 3-апрелине чейин Берлин шаарында өткөн эл аралык мелдеште Надежда Рак, Дастан Камчыбеков, Жалалдин Абдувалиев жана Жоомарт кызы Айтунук аттуу кыргызстандык спортчулар жалпысынан ар кайсы аралыкка сүзүү боюнча 14 медалга ээ болушту. Анын ичинде 2 алтын, 7 күмүш жана 5 коло медалдар бар.
Кыргызстандын Германиядагы элчилигинин кызматкерлери кыргызстандык спортчуларды мелдеште колдоп, аларга мындан аркы ийгиликтерди жана жаңы жеңүүлөрдү каалашты.