Бишкек мэриясына караштуу Билим берүү башкармалыгынын 39 жаштагы орун басары Усеин Касмалиев көз жумду. Бул тууралуу шаардык муниципалитеттен кабарлашты.
Маалыматка ылайык, ал коронавирус илдети менен ооруп жүргөн.
Эскерте кетсек, буга чейин Касмалиев эмгек жолун жер участкаларын берүү боюнча алдыңкы адис катары баштаган. Мэрияда жетекчилик кызматтарды ээлеген. Жогорку Кеңештин депутатынын жардамчысы жана консультанты дагы болгон. Мамлекеттик каттоо кызматына караштуу Транспорт каражаттарын жана айдоочулук курамды каттоо боюнча департаменттин директорунун орун басары катары иштеген.