Айыл чарба министрлигинин кызматкерлери 1 миллион сом пара талап кылууга шектелип кармалды. Бул тууралуу УКМК билдирди.
Аталган министрликтин Жерди жана сууну көзөмөлдөө кызматынын Чүй–Бишкек аймактар аралык башкармалыгынын кызмат адамдары суу коргоо тилкесине жакын жайгашкан туристтик объектинин курулуш долбоорун макулдашып берүү үчүн 1 миллион сом өлчөмүндө пара талап кылышкан.
Башкармалыктын жетекчиси жана башкы инспектору 7-июлда пара алып жаткан жеринен кармалышып, УКМКнын убактылуу кармоочу жайына киргизилди.
Учурда тергөө иш-чаралары жүргүзүлүүдө.
