Лебединовка айыл аймагындагы Бишкек – Кант – Токмок унаа жолунун капиталдык оңдоо иштери аяктап, 6 тилкелүү жол пайдаланууга берилди. Бул тууралуу Кант шаарынын мэри Улан Майлибашов билдирди.
Анын айтымында, жолдун бул бөлүгүндө баштагыдай унаа тыгыны жок. «Новопокровка айылынын ичиндеги жолдорду оңдоо иштери 2026-жылы улантылат.
Бирок, биз Транспорт министрлигинен оңдоо иштерин Кант шаарынан баштоону сурайбыз. Анткени, ал жерде өзгөчө жашылдандыруу зонасын ишке ашырууну каалайбыз, анда тротуарлар, веложолдор, жарыктандыруу системасы жана бак-дарактарды отургузуу каралган. Долбоор даяр», — деп кошумчалады мэр.
