Бишкек – Ош унаа жолунда MAN үлгүсүндөгү оор жүк ташуучу унаа оодарылып кетти. Бул тууралуу ӨКМнын басма сөз кызматы билдирди.
Маалыматка ылайык, Бишкек – Ош унаа жолунун 420-чакырымында Беке-Чал тилкесинде чиркегичи бар MAN үлгүсүндөгү оор жүк ташуучу унаа оодарылып кетип, жол тыгыны пайда болуп, 500дөн ашуун унаа токтоп турган.
Саат 9:00дөн баштап унаалар өтө албай, жол тыгыны пайда болуп, 500дөн ашуун унаа токтоп турган.
Жеринде куткаруучулар иш алып барып, бир автокран жана бир автожүктөгүч тартылып, оор жүк ташуучу унаа жол четине чыгарылды.
Учурда жол бир тараптуу ачылып, унаалар өтүп жатат.
