Бишкек-Ош унаа жолунда жол кырсыгы катталып, бир адам жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 25-май күнү саат 05:00 чамасында Бишкек-Ош унаа жолунун 119-чакырымында (Төө-Ашуу ашуусу) Hyundai Porter үлгүсүндөгү унаанын айдоочусу рулга ээ боло албай жолдон чыгып бетон тосмону сүзгөн.
Кырсыктын кесепетинен 2007-жылы туулган эркек бала жабыркаган. Жерине куткаруучулар тартылып, жабыркаган баланы унаадан чыгарып туугандарына өткөрүп беришкен.
