Ошто үрөй учурган сел каптады. Бул тууралуу ӨКМнын басма сөз кызматы билдирди.
«Ош облусунун Кара-Суу районунда саат 19:00 чамасында катуу жааган жамгырдын кесепетинен Бишкек-Ош унаа жолунун 647-чакырымында (Кайрагач айылы) Отуз-Адыр каналынан суу ашып унаа жолду каптагандыгы тууралуу маалымат түшкөн. Жерине ӨКМнин Ош облустук башкармалыгынын башчысы, райондун акими, райондук ӨКМ бөлүмүнүн башчысы, №956 ЖТИден 1 жүктөгүч, 1 манипулятор, а/а 1 жүктөгүч тартылып, тазалоо иштерин жүргүзүүдө. Кошумча маалымат берилет»,- деп айтылат маалыматта.