Бишкек шаарынын Москва районун 61 жаштагы тургуну Сайдали Сулайманов август айынан бери дайынсыз. Бул тууралуу 7tv.kg сайтына кызы Динара Сулайманова кайрылды.
«Буга чейин атамдын ден-соолугунда эч кандай өзгөчөлүк болгон эмес. Жай айларында COVID-19 илдети курчуп турган учуру атабызды өтө катуу таасирлентти. «Ушул вирус, биздин түбүбүзгө жетмей болду! Ушунтип эле жок болуп кетебизби?!»-деп катуу коркуп калган эле. Биздин божомолубуз боюнча, ошол оорунун таасири менен үйдөн чыгып кетиши мүмкүн»-деди Сулайманова.
Өзгөчө белгилери: бою 170-175 сантиметр, орто дене түзүлүштө, чачы кыска боз, көздөрү кара, каштары калың.
Көргөн билгендер болсо 03131 52131, 0707928892 номурлары аркылуу байланышсаңыздар болот.
