Бишкек шаарынын биринчи вице-мэри болуп Максатбек Сазыкулов дайындалды. Бул тууралуу мэриянын басма сөз кызматы билдирди.
Тиешелүү буйрукка бүгүн, 3 -сентябрда Бишкек шаарынын мэри Айбек Жунушалиев кол койгон.
Ошондой эле ал турак жай-коммуналдык чарба маселелерине көзөмөл жасай турганы маалым болду.
Максатбек Сазыкулов 2021-жылдын 16-июнунда калаанын экономика жана финансы боюнча вице-мэри кызматына дайындалган. Буга чейин ал Орус-Кыргыз өнүктүрүү фондунда департаменттин башчысы болуп иштеген. Ошондой эле ал Кыргыз Республикасынын мамлекеттик кызматынын отличниги.
