«Бишкек жашыл чарба» муниципалдык ишканасы 171 миң жоогазын көчөттөрүн отургузду. Бул тууралуу мэриядан маалымдашты.
Борбор калаанын гүлзарларына жоогазындын баштарын отургузуу башталды. Жазгы гүлдөрдүн ар түрдүүлүгү шаар тургундарын түстөр жана оймо-чиймелер палитрасы менен кубандырат.
“Жазында шаардыктар Жаштар аллеясында, Эмен паркында, Пушкин көчөсүндө Курманжан Датканын эстелигинин жанында, театралдык скверде, Абдылас Малдыбаев атындагы Кыргыз улуттук академиялык опера жана балет театрынын жанында, Абдрахманов/Токтогул көчөлөрүнүн кесилишинде, «Жомок» скверинде жоогазындын кооздугуна күбө боло алышат”- деп айтылат маалыматта.
Өткөн жазда борбор калаада 160 миң жоогазын гүлдөгөн.
Белгилей кетсек, жоогазындар соолуп калгандан кийин, баштары кылдаттык менен казып, кургатып, кийинки күздө кайра отургузушат.
