Бишкекте 21 киши шаурмага ууланды. Бул тууралуу санитардык эпидемиологиялык көзөмөл кызматы кабарлады.
Маалыматка караганда, тез татым жайлары Чүй проспекти менен Сүйүмбаев көчөсүнүн кесилишинде жайгашкан. Уулангандардын 15и Республикалык жугуштуу илдеттер ооруканасына жаткырылган. Бейтаптардын экөө балдар. 6 адам үйүнөн дарыланууга чыгарылган.
Кардарлар ууланган эки тез татым жайларын иштеткендерге 72 миң сом айып салынган. Саламаттык сактоо министри Алымкадыр Бейшеналиев уулануу фактысы боюнча чукул жыйын өткөргөнү маалым болду.
