Бишкекте алдамчылыкка шектелген жаран кармалды. Бул тууралуу Октябрь РИИБдин басма сөз кызматы билдирди.
Маалымат боюнча, шектүү 2020-жылдын июль айында апасынын операциясына акча керек деген алдоо жолу менен ишенимге кирип, жабырлануучулардан 2 миң доллар жана 35 миң сом алган. Бирок, апасы мурда эле оперция болгону аныкталган. Ал эми, шектүү ошол бойдон из жашырып кеткен.
«Бул факт Кылмыштардын жана жоруктардын бирдиктүү реестрине катталып, Жазык кодексинин 204-беренси боюнча кылмыш иши козголду. Иликтөө иш-чаралардын алкагында, кылмышка шектүү 1997-жылы туулган Э.Н. аттуу жаран кармалып, Бишкек ШИИБдин убактылуу кармоочу жайына киргизилди. Учурда тергөө иштери уланып жатат», — деп берилет маалыматта.
