Бишкек шаарындагы Жаш Гвардия бульварында муниципалдык автобус катышкан жол кырсыгы боюнча кызматтык иликтөөнүн жыйынтыгы чыгарылды. Бул тууралуу мэрия билдирди.
Иликтөөдө транспорт тармагын көзөмөлдөөдө бир катар кемчиликтер аныкталып, жооптуу кызматкерлерге тартиптик чаралар көрүлдү.
Ага ылайык, мэрдин орун басары Рамиз Алиевге менен Транспорт жана жол-транспорттук инфратүзүмдү өнүктүрүү департаментинин директору Улан Бейшенбаевге катуу сөгүш берилди.
Ал эми департамент директорунун орун басары Алмаз Алымбеков жана «Бишкек шаардык транспорт» муниципалдык ишканасынын директору Талантбек Капаров ээлеген кызматтарынан бошотулду.
