20-июнда Бишкектеги Т. Усубалиев атындагы аянтта жыл сайын өткөрүлүүчү эл аралык Olympic Day спорттук майрамы өтөт. Бул тууралуу мэриядан билдирди.
Иш-чарага 11 жаштан 14 жашка чейинки 500гө жакын бала, спорттук федерациялардын өкүлдөрү, ыктыярчылар, шаар тургундары жана борбор калаанын коноктору катышат. Анда 500 метр аралыкка жарыш уюштурулат.
Чуркоо багыты Абдымомунов, Орозбеков, Раззаков жана Рыскулов көчөлөрүнүн айланасын камтыйт. Спорттук иш-чарага байланыштуу саат 08:00дөн 14:00гө чейин жарыш өтө турган көчөлөрдө унаа кыймылына убактылуу чектөө киргизилет.
