Бишкекте уурулук кылууга аракет кылган 2 жаран кармалды. Бул тууралуу Ленин РИИБдин басма сөз кызматы билдирди.
Маалыматка ылайык, 8-январда болжол менен саат 19:30 чамасында Чыңгыз Айтматов проспектисиндеги көп кабаттуу үйдө жайгашкан батирге эки ууру кирген.
Кожоюндары жок болгондуктан кылмышкерлер батирдеги бардык баалуу буюмдарды издешкен. Алардын бардык иш-аракеттерин жашыруун камера онлайн режиминде тартып турган.
Батирге кирген жарандар уурдаган буюмдарын алып, качалы деп жатканда, Ленин РИИБдин кызматкерлери колго түшүргөн.
