Бишкекте эки унаанын катышуусунда жол кырсыгы болуп, «Ауди С4» үлгүсүндөгү автоунаанын айдоочусу жабыркаган. Бул тууралуу Милициянын кайгуул кызматынын басма сөз кызматы билдирди.
Билдирүүгө ылайык, бүгүн болжол менен саат 09:00 чамасында «Ауиди С4» үлгүсүндөгү автоунаа Баба-Ата көчөсү менен күн чыгышты көздөй бара жатып, Иманкулов көчөсүнүн кесилишинен «БМВ Х7» үлгүсүндөгү унаа менен сүзүшкөн.
Жол кырсыгынан «Ауди С4» үлгүсүндөгү автоунаанын айдоочусу жабыркаган.
Учурда айдоочулардын өздүгү аныкталып, жол кырсыгы катталган жерде милициянын кайгуул кызматкерлери иш алып барууда.