11-марттан 14-мартка чейин Гапар Айтиев атындагы Кыргыз улуттук көркөм сүрөт искусство музейинде Ирандын декоративдик-прикладдык искусствосунун көргөзмөсү өткөрүлөт. Төрт күндүн ичинде сиз каллиграфия, эмаль, мраморго сүрөт тартуу, миниатюра жана иллюминация сыяктуу искусствонун түрлөрү менен тааныша аласыз.
Көргөзмө Ирандын Кыргызстандагы элчилигинин алдындагы маданият өкүлчүлүгү тарабынан эки элдин ортосундагы кызматташуунун алкагында өткөрүлүүдө.
Көргөзмөгө келгендер перс каллиграфиясынын эң популярдуу кол жазмасы жана сефевид жана каджар стилинде жазылган миниатюралар менен тааныша алышат.
С.А. Чуйков атындагы Кыргыз мамлекеттик көркөм сүрөт окуу жайында ирандык чеберлер мастер-класстарды өткөрүшөт. Иран искусствосунун негиздерине кызыккандарга:
— Мехрдад Бабай – мраморго сүрөт тартуу;
— Али-Асгар Мирзаханян – эмаль живописи;
— Махди Махдави – миниатюра жана иллюминация;
— Хоссейн Разавифард – каллиграфия.
Иш-чаранын расмий ачылышы 11-мартта саат 11:30да болот.
