Бишкекте ири жол кырсыктан 11 адам жабыркады. Бул тууралуу ӨКМдин басма сөз кызматы билдирди.
Белгилей кетсек, бүгүн, 16-майда саат 16:20лар чамасында Ахунбаев жана 7-Апрель көчөлөрүнүн кесилишинде үч унаа кагылышкан, “DАF” үлгүсүндөгү оор жүк ташуучу унаа, “Honda Fit” жана “Mercedes-Benz Sprinter” жүргүнчү ташуучу унаалардын катышуусунда жол кырсыгы катталган.
Учурда кырсыктан жабыркагандардын саны 11ге жетти. Окуя катталган жерге Бишкек шаардык Куткаруу кызматынан 5 куткаруучу тартылган.
Куткаруучулар “Honda Fit” үлгүсүндөгү унаанын ичинде кыпчылып калган аялды чыгарышкан жана жабыркаган жарандарга биринчи тез жардам көрсөтүп, тез жардам кызматына өткөрүп беришкен.
