Бишкек шаарындагы көчөлөрдүн биринен жаңы төрөлгөн ымыркай табылды. Бул факты боюнча учурда сотко чейинки тергөө иштери жүргүзүлүп жатканын Свердлов РИИБинин басма сөз кызматынан кабарлашты.
Белгилүү болгондой, кечээ, 19-мартта саат 07:35 чамасында Салиева көчөсүндө ак чүпөрөккө оролгон ымыркай жаткандыгы тууралуу милиция кызматкерлерине билдирүү келип түшкөн.
«Айтылган жерге барган милиция кызматкерлери ак чүпөрөккө оролгон ымыркай кызды аныкташкан. Наристе «Тез жардам» кызматы менен балдар үйүнө жеткирилди. Дарыгерлер кыздын абалы канааттандырарлык экенин айтышты.
Учурда бул окуя боюнча 150-берене («коркунучта калтыруу») менен сотко чейинки өндүрүш иши башталды. Ымыркайдын апасы изиделүүдө», — дешти мекемеден.
