Бишкекте базарлардын биринен жоголгон Абдуллаев Ильяс Олегович изделүүдө. Бул тууралуу Свердлов РИИБден билдиришти.
Билдирүүгө караганда, 28-август күнү милицияга жаран жээни дайынсыз болуп жатканын айтып, кайрылган. 2005-жылы туулган казак жараны болгон. Ал ошол эле күнү «Жунхай» базарында белгисиз тарапка кеткен бойдон кайтып келген эмес.
Белгилери: бою 160 сантиметр, арык, чачы кыска кара, көздөрү күрөң, психикалык жактан жабыркайт.
Кийген кийимдери: кара спорттук шым, ак түстөгү «United Colors of benetton» деген жазуусу бар кара футболка, бутунда кара спорттук бут кийим.
«Сүрөттөгү жаранды көргөндөр болсо, 0 557 11-94-10, 0 701 28-28-09, 0 702 49-8888 номурларына чалсаңар болот»,- деп берилет маалыматта.
