Бүгүн, 30-августта борборубузда Кыргызстан жана КМШ ардагерлеринин футбол боюнча беттешине байланыштуу Бишкектинн айрым көчөлөрү жабылат. Бул тууралуу Милициянын кайгуул кызматы кабарлады.
Маалыматка караганда, саат 14:00 дөн тартып, 23:00гө чейин Тоголок Молдо көчөсү түндүктү карай — Чүй проспектисинен тартып, Фрунзе көчөсүнө чейинки бөлүгү, Фрунзе көчөсү Тоголок Молдо көчөсүнөн тартып, Панфилов көчөсүнө чейинки бөлүгү жабылат.
Эскерте кетсек, беттеш учурунда борбор калаанын тургундарынын жана конокторунун коопсуздугун укук коргоо органдары жана кайгуул кызматы камсыздайт.