Бишкекте майрамга карата азык-түлүк жарманкеси өтүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдирди.
Азык-түлүк продукцияларынын жарманкеси 31-декабрга чейин саат 09:00дөн кечки саат 18:00гө чейин уланат. Бул жарманке Бишкек шаарынын Түгөлбай-Ата көчөсү, Эркиндик жана К. Тыныстанов көчөлөрүнүн кесилиштеринде өтөт.
Жарманкенин максаты ата мекендик өндүрүшчүлөрдү, агроөнөр жай ишканаларын жана жеке ишкерлерди колдоо менен бирге айыл чарба продукцияларын шаар тургундарына дүң баада сатуу болуп саналат.
