Бишкекте милиция кызматкерлеринен качып бара жаткан кишини унаа сүзүп кетип, ооруканага жеткирилген. Бул тууралуу Милициянын кайгуул кызматынын басма сөз кызматы билдирди.
Маалыматка ылайык, Кайгуул кызматкерлерине үй бүлөлүк чыр чатак болуп жатат деген маалымат келип түшкөн.
Айтылган дарекке кайгуул кызматкерлери барып, чыр чатак салган жаранды милиция бөлүмүнө алып келет. Ал жерден мас абалын текшерүү үчүн наркология бөлүмүнө жолдомо алып барган учурда мас жаран аялына таарынып, “аялым мага карата арыз жазат дегени эмне, андан көрө өлгөнүм жакшы” деп качып чыгып, жолдогу унаанын астына чыга калган.
Кайра кайгуул кызматкерлери тез жардам кызматын чыкырып, ал келгенче биринчи медициналык жардам көрсөтүп, 4-шаардык ооруканага жөнөтүшкөн.
Азыркы учурда ал жаран кайгуул кызматкерлерине эч кандай арыз доосу жок экендигин билдирген.
