Бишкекте соода борборунун алдынан унаа уурдап качкан жаран кармалды. Бул тууралуу Милициянын кайгуул кызматынын басма сөз кызматы билдирди.
Маалыматка ылайык, 5-ноябрда С.Д. аттуу жаран кайрылып, болжол менен саат 22:45 чамасында Баха жана Гагарин көчөлөрүнүн кесилишиндеги «Фрунзе» соода борборунун астынан «Матиз» үлгүсүндөгү авто унаасын белгисиз жарандар айдап качып кеткендигин билдирген.
Милициянын кайгуул кызматкерлери тарабынан шектүү 1992-жылы туулган Б.Р. аттуу жаран кармалып, Ленин райондук ИИБнын Тергөө кызматына жеткирилген.
Аталган факты Ленин райондук милициясы тарабынан Кылмыштардын жана жоруктардын бирдиктүү реестрине катталып, КР Жазык кодексинин 206-беренесинин («Автотранспорт каражаттарын айдай качуу») негизинде сотко чейинки өндүрүшкө алынды.
