Милициянын кайгуул кызматкерлери Бишкекте жасалма номер менен жүргөн айдоочуну кармашты. Бул тууралуу маалыматты милициянын кайгуул кызматынан билдиришти.
Маалыматка ылайык, Бишкек ШИИББи боюнча милициянын кайгуул кызматкерлери бөлүнгөн аймакта кайгуул кылып жатып, болжол менен саат 16:00 чамасында Чүй кең көчөсү менен Курманжан Датка көчөсүнүн кесилишинен жол эрежесин бузган Hyanday Gets үлгүсүндөгү унааны токтотушкан.
“Унаанын алдыңкы номери башка, арты башка. Ал эми документке таптакыр башка номер көрсөтүлгөн”, — деп айтылат маалыматта.
Бул факт боюнча унаа убактылуу айып короого киргизилип, ал эми айдоочу Свердлов РИИБнин тергөө кызматына жеткирилген.
