Бишкек шаарында жаш кызга бычак менен кол салган шектүү кармалды, деп билдирди ШИИБдин басма сөз кызматы. Окуя 10-апрелдин түнүндө Сухэ Батор көчөсүндө болгон.
Бейтааныш эркек киши кызга бычак менен жаракат келтирип, өзү качып кеткен. Бул факт бейбашчылык беренеси менен катталып, Октябрь РИИБдин жана Бишкек ШИИБдин ыкчам кызматкерлери шектүүнү кармашты.
Шектүү — 1977-жылы туулган Д.Ш. ШИИБде убактылуу камакта. Анын жанынан далил буюм катары бычак табылган.
Шектүү башка кылмыштарга да катышкан деп шектелип жатат.
