Борбор калаанын райондорунда Баатыр энелерге сыйлыктар тапшырылды. Бул тууралуу шаардык мэриянын басма сөз кызматы жазып чыкты.

Маалыматка ылайык, Ленин районунун акими Русланбек Тагаев 7 энени “Баатыр эне” ордени менен жана 5 энени “Эне даңкы” медалы менен сыйлап, алган мамлекеттик сыйлыктары менен куттуктап, аларга чың ден соолук, бакыт-таалай жана  үй-бүлөдөгү жыргалчылыкты каалады.

Сыйлыктарды район башчысы Максатбек Сазыкулов  Биринчи май муниципалдык администрациясынын жыйындар залында көп балалуу энелерге тапшырды.

Жалпысынын 26 эне сыйланып,  анын ичинен 14ү «Баатыр эне» ордени (7 жана андан көп бала), 12си «Эне даңкы» медалы (6 жана андан көп бала) менен сыйланган.

Белгилей кетсек, райондук социалдык өнүктүрүү бөлүмүндө 231 баатыр эне каттоодо турса, анын 156сы «Баатыр эне» ордени, 75и «Эне даңкы» медалдары менен сыйланган.

Эске салсак, Кыргыз Республикасынын Президентинин Жарлыгы менен 2012-жылдан бери жыл сайын май айынын үчүнчү жекшембисинде белгиленүүчү “Энелер күнү” белгиленген.