Бишкектик дзюдочу Ачык Европа кубогунун чемпиону болду. Бул тууралуу мэриянын басма сөз кызматы билдирет.
Маалыматка ылайык, спорттук жекеме-жеке күрөш түрлөрү боюнча ОРАБӨМдүн тарбиялануучусу Мухаммедали Ырысдолотов 2009–2011-жылы туулган өспүрүмдөр арасында өткөн дзюдо боюнча Ачык Европа кубогунда алтын медалга ээ болду.
Белгилей кетсек, эл аралык мелдеш 7–9-март күндөрү Түркиянын Анталия шаарында өттү. Турнирге 21 өлкөдөн келген спортчулар катышып, жалпысынан 550гө жакын катышуучу катталган.



