Бишкек шаарынын базарларында көп жылдар бою чөнтөк уурулук кылып кылмыштуу иш-аракеттерин жүргүзүп келген кылмыштуу топтун мүчөлөрү кармалды. Бул тууралуу УКМК билдирди.
Маалыматка ылайык, алар идеологиялык жактан кылмыштуулукту колдоп жана өлкөдөгү уюшкан кылмыштуу топтордун иштешине колдоо көрсөткөн жаштар.
Тактап айтканда, Бишкек шаарындагы ири базарларды көзөмөлдөгөн, мурда соттолгон, 1994-жылы 9-декабрда туулган жаран кылмыштуу топтун башчысы тарабынан системалуу түрдө тоноо жана уурулук фактылары аныкталып, К.Асанбектин уюшкан кылмыштуу тобунун мүчөсү катары АМБ АБОдо каттоодо турган жана жаш муундар арасында кылмыштуу идеологияны активдүү колдоп, жайылтып жүргөндүгү такталды.
Козголгон кылмыш ишинин алкагында кылмыштуу топтун башчысы кармалып, Бишкек шаардык ички иштер башкармалыгынын убактылуу кармоочу жайына камалды.
