Бишкектин борборунда атышуу болду. Ага ылайык шектүү катары 6 жаран кармалды. Бул тууралуу Бишкек шаардык ички иштер башкармалыгынын басма сөз кызматы билдирди.
Маалыматка ылайык, 22-декабрь күнү кечки саат 21:00 чамасында Эркиндик бульварында массалык мушташ болуп, натыйжада ок атышуу болгону тууралуу маалымат келип түшкөн. Окуя болгон жерге ыкчам-иликтөө тобу барганда травматикалык тапанчанын 3 огун жана мылтыктын 3 огун табышкан.
Бул факт 280-берененин негизинде катталды.
Борбор калаанын милиция кызматкерлери окуяга тиешеси бар 6 шектүүнү кармады. Алар 1983-жылы туулган М.А., 1988-жылы туулган А.Г., 1987-жылы туулган А.Т., 1993-жылы туулган А.Т., 1991-жылы туулган Д.Н., 1988-жылы туулган А.Т., экени белгилүү болду. Мындан тышкары, алардын биринен «Сайга-12» үлгүсүндөгү курал табылган. Кармалган жарандар убактылуу кармоочу жайга киргизилди. Бул окуяга тиешеси бар башка дагы шектүүлөр изделүүдө.