Дайынсыз жоголгон кызды өлтүрүүгө шектүү жаран кармалды. Бул тууралуу Чүй облусунун милиция кызматкерлери кабарлады.
19-февралда аял милицияга кайрылган. Анда, 22 жаштагы кызы О.З. 18-февраль күнү үйдөн чыккан боюнча дайынсыз болуп жатканын айткан.
Иликтөөнүн жүрүшүндө ошол түнү О.З менен А.Р. мектептин аймагынан жолуккандыгы аныкталган. Алардын ортосунда чыр чыгып, анын кесепетинен аталган жаран кыздын денесине залал келтирип, бут кийиминин боосу менен муунтуп, натыйжада кыз ошол жерден каза болгон. Ал жасаган кылмышын жашыруу үчүн сөөктү талаага алып барып, көмүп койгон.
Кылмыш иши козголуп, шектүү катары 2004-жылы туулган жаран кармалып, убактылуу кармоочу жайга киргизилген.
Бардык зарыл болгон соттук-медициналык экспертизалар дайындалып, тергөө уланууда.
