Бишкектеги Ботаникалык бактан аял кишинин жансыз денеси табылды. Бул тууралуу Октябрь районунун ички иштер бөлүмүнөн билдиришти.
Маалыматка ылайык, кечээ, 19-октябрда саат 12:00дө милиция кызматкерлеринин нөөмөт бөлүмүнө Ахунбаев менен Токомбаев көчөлөрүнүн ортосунда жайгашкан Ботаникалык бактан өлүк табылгандыгы тууралуу маалымат келип түшкөн.
Өлүмдүн себебин аныктоо үчүн тиешелүү экспертиза дайындалып, факт Кылмыштардын жана жоруктардын бирдиктүү реестрине катталып, сотко чейинки өндүрүш башталган.
Тергөөнүн алкагында маркумдун күйөөсү суракка алынган. Анын айтымында, 16-октябрда алар аялынын кызганычынан улам урушуп кетишкен, бирок кайра жарашышкан. 18-октябрда саат 15:00 чамасында ал үйүнөн чыгып кетип ошол бойдон байланышкан эмес.
