Кыргызстандагы бийликтин башкаруу формасын аныктоо үчүн өтө турган референдумга 39 миллион 940 сом жумшалат. Бул тууралуу маалыматты Борбордук шайлоо комиссиясы чыгымдардын көлөмүн талкуулап жаткан учурда билдирди.
Маалыматка ылайык, Борбордук шайлоо комиссиясынын төрайымы мындай чыгымдар бюллетендерди басып чыгаруу жана жеткирүү, андан сырткары дагы бир катар иштерге 20 миллион 124 миң сом сарпталарын маалымдаган.
Аймактык шайлоо комиссияларына 12 миллион 816 миң сом бөлүнөт. Беш миллион сом ТИМге которулат, дагы 500 миң Миграция боюнча мамлекеттик кызматка каралат. Булардан тышкары 1,5 миллион сомду Мамлекеттик каттоо кызматына беришет.
БШК төрайымы Нуржан Шайлдабекова 2016-жылдагы референдум менен жергиликтүү кеңештин шайлоосун бирге өткөрүп, ага 67 миллион сом каражат сарпталгандыгын эске салды.
