БШК бүгүн, 15-декабрда 18-ноябрда болуп өткөн Жогорку Кеңештин депутаттыгына талапкерлерди шайлоонун жыйынтыгын бекитти.
Жарышка катышкан 21 партиянын ичинен алтоо беш пайыздык босогодон өткөнү такталды:
- «Ата Журт Кыргызстан» (15 мандат, анын ичинен 5и аялдар);
- «Ишеним» (12 мандат, анын ичинен 4 мандат аялдар);
- «Ынтымак» (9 мандат, анын ичинен 3ү аялдар);
- «Альянс» (7 мандат, анын ичинен 3ү аялдар);
- «Бүтүн Кыргызстан» (6 мандат, анын ичинен 2си аялдар);
- «Ыйман Нуру» (5 мандат, анын ичинен 2 мандатты аялдар алат).
Беш пайыздык босогодон өткөн 6 партияга 1 миллион сомдон шайлоо күрөөсү кайтарылып берилет. Борбордук шайлоо комиссиясы АСУдан алынган маалыматтар менен кол менен эсептөөнүн жыйынтыктары дээрлик бирдей экендигин белгиледи.
