2021-2022-окуу жылы Кыргыз Республикасынын бардык жалпы билим берүү уюмдарында ушул жылдын 8-июнунда аяктайт. Бул тууралуу Билим берүү жана илим министрлигинин басма сөз кызматы билдирди.
Билдирүүгө ылайык, “Акыркы коңгуроого” арналган салтанаттуу иш-чара мектептерде 9-июнда саат 9:00дө өткөрүлөт.
Билим берүү жана илим министрлиги окуу жылынын аяктап жаткандыгына байланыштуу республикадагы бардык райондук жана шаардык билим берүү бөлүмдөрүнүн, усулдук билим берүү борболорунун жетекчилери менен 17-майда онлайн жолугушуу өткөрүп, анда мектептерде “Акыркы коңгуроо” салтанаттуу иш-чарасын коопсуздуктун талаптарына ылайык уюштуруу жана өткөрүү боюнча маселелер каралды.
Ошондой эле, бул иш-чараны мектепте жана мектептин аймагында уюштуруу жана өткөрүү учурунда жалпы билим берүү уюмдарынын директорлоруна окуучулардын өмүрүнүн коопсуздугун сактоо жана аны камсыз кылуу боюнча атайын иш-чара кабыл алып, ата-энелердин арасында салтанаттуу иш-чарадан кийин балдардын өмүрү жана ден соолугу үчүн алардын жоопкерчилигин жогорулатуу боюнча тапшырмалар берилди.