Кыргызстанда орточо эмгек акы чакан ишканаларды кошпогондо 19 миң 586 сом болду. Бул тууралуу мекемени басма сөз кызматы билдирди.
Маалыматка ылайык, мекеме өткөн жылдын январь-августуна салыштырмалуу орточо маяна 9% өстү деп эсептеп, орточо айлык акы Ош облусунда 10,9%, Ош шаарында 13,5% жана Бишкек шаарында 9,9% көтөрүлгөн.
Бишкекте орточо айлык акы 297,6 доллар, Нур-Султанда 794,8 доллар, Москвада 1483,7 доллар жана Минскиде 803,6 долларды түзөт.
Мисалы, Бишкекте орточо эмгек акыга 50 кгдан ашык уй этин сатып алса болот, ал эми Москвада — 4,3 эсе көп. Ал эми Нур-Султан шаарында бир айлыкка 2 тоннага жакын нан сатып алса болот.
Ушул жылдын экинчи кварталында жашоо минимуму 6332 сом деп эсептелип, өткөн жылга салыштырмалуу 15,6% өскөнүн Улуттук статистика комитети билдирген.
Эскерте кетсек, Статкомдун 2020-жылга карата эсеби боюнча, ар бир төртүнчү кыргызстандык жакырчылыкта жашайт.
